Nga Kakano Wiki Tuarima- Wahanga Tuawha

Kātahi te tau nui ko tēnei! He kaha nō ēnei tauira ki te aro pū ki ngā mahi Pakirēhua. Ahakoa te uaua o ngā mahi, i ngana tonu rātou katoa kia eke panuku ki roto i ngā mahi. Nei rā ngā mihi nui ki a rātou ngā tauira toa, ngā tauira whai kaha ki t e tutuki I ēnei mahi. I tēnei wahanga e aro ana mātou ki te pakirehua, e aro hoki ana ki ngā whitiāhua ā ngā tauira kia rite ki te whakaatu ki ō rātou whanau. E maha ngā haerenga ā kura, nā reira kia mataara ki ngā pānui ā kura e haere ake nei. E tuku ana I ngā mihi kia pai te haere a ōku tau 8, ngā tuakana o Ngā Kākano. Tēna koutou mō te noho hei tauira tuatahi mōku mō te whakaako tamariki. Ahakoa tō haere ki kura kē, ko te manako ka whakatō I tēra kura I ngā mataapono o te whakawhiti korero, o te whiwhi kairangitanga i roto i ngā marau, te aro ki tō whakapapa hoki. Nō reira tēna koutou, tēna koutou, tēna koutou katoa.